كيفية اضافة البعد السياحي للمواقع الاثرية

استاذ علاء اول موضوع لازم ندرس درجة استيعاب المنطقة السياحية من ناحية عدد السياح متل ماصار وقت المهرجان بتدمر
الموضوع الثاني يلي هي لازم يكون في ربط بين وزرارة السياحة و وزارة الثقافة السبب هو ربط المواقع الاثرية بالمعلومات الثقافية للمنطقة السياحية
الموضوع الثالث يلي هو عم يجي السائح على سورية مو عرفان الله وين حاطو انا يلي بدي نوه عليه انو لازم يكون بالمطار مركز اسمو مكتب الدليل السياحي وهو بدورو يكون في باصات مجهزة لتنطلق للمناطق الاثرية هيك منوفر عليه مصريف لف ودوران هاد الشي بحبب السياح بالبلد وبيخليهون يضلوا فترة اطول هاد الشي بيعطي إنطباع كتير حلو عن بلدنا وبيضل اطول بالذاكرة(يعني عم يذكرونا بالخير) هيك منكون حققنا منتجات سياحية متكاملة تستطيع جذب اكبر عدد من السياح من مختلف الشرائح وحسب تفضيلاتون للمناطق الاثرية

موضوع حلو كتير
وانا باكد على كلامك
ولازم كل شخص بيجي على سوريا يعطوه دليل سياحي لكل المناطق وكيف بيول الها
شكرا

رائع يا عبد
البعد السياحي.....!!!! ذكرتني بموضوع قرأته عن البعد الرابع فنحن نعرف أن الأبعاد ثلاثة (طول - عرض - ارتفاع).... أما البعد الذي تناوله ذلك الموضوع فكان البعد الأهم برأيي ألا وهو (المعرفة).... فعندما نريد رسم لوحة أو فكرة أو خطة أو مقطع موسيقي أول ما نحتاجه هو المعرفة قبل أي شيء
المعرفة الآن باتت منتج قائم بحد ذاته.... لنأتي إلى السياحة, طيب كل ما تفضلت بذكره يندرج تحت مفهوم المعرفة السياحية وقد يفترض البعض أن كلمة معرفة هنا تعني الدراية بالشيء.....لالا
المعرفة السياحية التي قصدت هي مزيج من بيانات تم جمعها وتحليلها ليتمخض عنها معلومات جوهرية والتي بدورها تراكمت عبر الزمن لتشكل ارث يطلق عليه المعرفة.
المعرفة السياحية بحاجة لماذا....؟
1- كوارد بشرية.
2- اهتمام بالغ بكل ما يمت للسياحة بصلة.
3- إعلان قوي وبميزانية مفتوحة.
4- البحث عن طرق اصطياد السياح إن صح القول!!! والقائمة تطول
أحسنت بطرح هذا الموضوع شكرا لك فأنت متميز حقاً

شكرا الك استاذ علاء